Bina Online Aaye WhatsApp Message Ka Kaise Reply Kare

WhatsApp ke bahut sare tips & tricks aapne dekha hoga lekin jo mai aaj batane vala hu wo bahut hi alag hai. Mai aapko bataunga ki bina online aaye WhatsApp message ka reply kaise karte hai. Aap kisi ke message ka reply bhi kar denge aur online bhi nahi show hoga esa kuch ham karne vale hai. Aur isase bhi achhi bat ye ki yah bahut hi aasan hone vala hai.

WhatsApp pe bina online aaye message ka reply karna hai usake liye hame kisi bhi tarah ka extra app nahi download karna padega. Sath me hame apane device ko root karne ki jarurat bhi nahi. Aksar aap dekhate honge ki jitane bhi useful tricks hote hai uname jyadatar root karna padta hai lekin isame esa kuch bhi nahi karna padega aapko.

Ek sabase bada aur point is trick ka ki ham isako Android, iPhone aur dusare tarah ke WhatsApp supported device me bhi kar sakate hai. Chaliye abhi ham us trick ko shuru karte hai.

WhatsApp Message Send Kare Bina Online Appear Huye

Mujhe bas mera Online status nahi appear hone dena jab mai kisi ko WhatsApp me message karu. Agar wo mujhe online dekh lega to samjh jayega ki mai online hu. Yahi main task hai jo mai aapko batane vala hu ek simple tarike ke sath.

Offline Reply Kare

Offline

Offline reply karne ka matalab ki jabhi aap kisi ko WhatsApp se message send kar rahe hai to apane device ka internet band kar de. Suppose aap apane device ko Wi-Fi se connect kiye hai to usako disable kar de ya mobile data hai to usako turn off kar de. Usake bad WhatsApp open kare aur message type kar ke send kare phir bad me internet chalu kare jaise Wi-Fi enable or mobile data turn on kar de. Jisase WhatsApp autometic internet access karega aur aapka message send kar dega aur tabhi aap online bhi nahi honge. Isake liye samane vale ko pata nahi chalega ki aap online aaye the ki nahi.

Yah tarika sabase safe tarika hai agar aapko WhatsApp pe offline hokar message send karna hai to. Vaise kuch dusare tricks hote hai jo log batate hai lekin wo safe nahi hota hai isake liye mai security ka risk lene ko nahi prefer nahi karunga.

Maine kuch time pahale ek alternative WhatsApp application dekha tha jisame Online show nahi hota hai. Lekin vaise sabhi apps ki sabase badi problem ye hai ki wo safe nahi jis tarah se official WhatsApp safe hota hai. Jabhi bhi bat safety ki aati hai wo bhi internet pe to hame usak pura dhyaan rakhana chahiye.

Kuch users hai jo WhatsApp hack karne ke bare me sochate hai lekin esa mujhe nahi lagata ki kuch ho sakata hai. Thode time pahale maine ek article bhi likha tha jaha pe sab kuch bataya hai ki kya WhatsApp hack ho sakata hai aap wo sabhi points janenge to samjh me aayega ye kitana sefe aur secured hai.

Dusare alternative WhatsApp use karne ki vajah se aapke data leaks ho sakate hai. WhatsApp pe ham private se bhi private chats, Files, Media share karte hai jo ki safe rahe to hi achha hota hai. Ek chhote se trick ki vajah se aapko bahut jada risk lena padega. Isake liye bina online appear huye WhatsApp se message send karna hai to offline reply vala tarika try kare kyuki isame aapko kisi bhi tarah ka dusara app nahi install karna hai.

Agar aapke pas isase bhi achha koi trick hai aur janate hai mujhe bata sakate hai. Mai aapko pura credit dete huye yaha pe update karna pasand karunga bas wo safe hona chahiye. Mere liye sabase pahale logo ki safety aati hai usake bad tricks. Wo tricks try karne ka koi matalb nahi jo safe nahi rakhata users ko.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.