WhatsApp Group Video Calling Update Aana Shuru Ho Chuka Hai

WhatsApp Group Video calling update ke bare me shayad aap ne suna hoga, Yah feature bahut dino se charche me raha hai aur finally abhi WhatsApp ne kuch devices ke liye update dena shuru kar diya hai. Esa nahi ki yah sirf kuch devices me aayega, Sabhi ko WhatsApp group Video calling ka update install karane ke liye milega.

Pahale yah feature WhatsApp beta user ke liye aa chuka hai lekin maine abhi tak isako kisi bhi ke device me nah dekha. Bas reports me kuch screenshots dekhe hai ki group video calling ka interface kaisa hoga. Yaha se aap sikh sakate hai ki WhatsApp beta User kaise bane.

Lekin abhi WhatsApp group video calling feature sabhi devices me aayega AndroidPolice ke report ke anusar.

WhatsApp Group video calling Update Kaise Install Kare

WhatsApp ke Group video calling update ko install karne ke liye kuch alag method ko nahi follow karane ki jarurat padegi. Jis tarah aap WhatsApp ko noramally update karate hai bas vahi method ko follow karana hai.

Play Store open kare aur WhatsApp search kare, Agar update available hoga to vaha pe aap ko Update ka option aayega. Update option par tap kare aur aap ka WhatsApp update hona shuru ho jayega.

Apple users app store me jaye aur vaha se update kar sakate hai.

Update complete hone ke bad aap ek se jada log ke sath group video calls ka sakenge.

Vaise to maine abhi isako anubhav nahi kiya hai lekin sab bata rahe hai ki Video calling karne ke bad ek “Add” button jaisa kuch aayega jis par tap kar ke aap dusare contact ko bhi video call ke liye invite kar sakenge. Jisake bad wo bhi person call me connect ho jayega aur aap ek se jada logo ke sath Group video calling kar sakenge.

Message Forwarding ko lekar bhi WhatsApp ne limite laga diya hai sirf 5 logo ko ab aap koi bhi message forward kar sakate hai. Isake bad Suspicious Link feature aaya jisase spam control rahega.

Agar aap India se hai aur aap ke device me WhatsApp group video calling ka feature aa chuka hai to please mere sath usaka anubhav share kare ki kaisa performance hai. Kisi tarah ka problem to nahi na face karna pad raha hai calling ke samay.

Vaise koi bhi naya feature update hota hai to usame kuch bugs ho sakate hai lekin company usako naye updates me sudhar deti hai. Aur jaise – jaise naye updates aate hai usame improvements hota rahta hai. Isake liye users ko first update me hi nahi judge karna chahiye kisi bhi update ke performance ko lekar, Thoda samay wait kare aur usame naye updates ke sath bahut kuch badal aur sudhar jayega.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.