WhatsApp Se Ab Sirf 5 Logo ko Message Forward Kar Sakenge

Aap jaldi hi yah sawal karenge ki Mere WhatsApp se sirf 5 logo ko message forward ho raha hai jaha pahale bahut sare logo ko ek sath forward ho jata tha. Isake piche ka ek bahut bada karan hai ki WhatsApp ne message forwarding par limit kyu laga diya.

Kuch saal pahale WhatsApp ne ek update nikala tha Message forward ke liye, Us feature ko update karane ke bad user ek sath kai logo ko message forward kar sakata tha. Lekin India me isaka galat use bhi hone laga aur aap ko bhi bahut sare forwarded message aate honge jisame kisi tarah ka news ya rumor rahata hai jo logo par galat prabhav bhi dal sakata hai.

WhatsApp se fake news bahut jaldi logo tak pahuch jata tha aur Indian Goverment ne is par rok lagane ke liye WhatsApp ko notice bheja.

Phir WhatsApp ne ek statement me yah jawab diya ki “Sabhi desho ke apekhsa India me sabase jada Message, Photo, and Videos Forward kiye jata hai. Ham isake liye limit forwarding jaise feature ka test kar rahe hai. Ham Quick Forward button ko bhi nikal denge.”

Abhi to aap ko isake piche ka reson pata chal ho gaya ki WhatsApp message sirf 5 logo ko kyu share ho raha hai. Vaise WhatsApp limit forward ka feature bahut achha bhi hai kyuki isaki vajah se fake news kam ho sakata hai.

Aap ne bhi shayad notice kiya hoga ki kabhi – kabhi koi ese message send karata hai jis par bharosa bhi nahi kiya ja sakata hai. Lekin kuch log usako sach man lete hai aur wo fake news jaldi hi real news me badalane lagata hai. Jisaki vajah se log jhuth ko sahi man lete hai.

Agar aap ke pas esa kuch bhi galat message WhatsApp par aata hai to usako kisi ke sath share mat kare bas turant usako delete kar de. Ek – ek sahare se wo pure desh me dheere – dheere fail sakata hai.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.