Umang App Ke Bare Me – Umang App Kaise Use Kare & Account

Umang app ke bare me bat kare to yah ek naya mobile application hai jo Indian goverment ne launch kiya hai. Esa kaha ja raha hai aur bahut sare reports me hai ki Umang aap Prime minister Shree Narendra Modi ji ne launch kiya jisase India aur yaha ke log aur bhi Digital ban sake. Aur mai aapko guide karunga ki Umang aap kaise use kare isake sabhi features ke bare, Yah kam kaise karata aur Umang app se ham kya – kya kar sakate hai.

Kuch mahine pahale Modi Ji ne BHIM aap ko launch kiya tha jo ki ek bahut hi safal application saabit hua pure India me. Aaj dekha jaye to India me bahut sare ese log hai jo bank me kam jate hai aur BHIM app ka use kar ke sabhi transactions ko online apane smartphone se hi kar rahe hai. Isape bhi kuch guides kiya unake links niche hai aapko agar nahi pata to dekh sakate hai.

Umang App banner
Image Source – Umang Website

Chaliye ham sabase pahale ye janate hai, Umang app ka full form kya hai? Umang App ka full form hai – Unifield Mobile Application for New-age Governace aur yah E-Governance ko prefer karata hai.

Is application ko aap apane Android, iOS aur Windows operating based smartphones install kar sakate hai. Kuch ese selected feature phones bhi hai jisame yah aap run hoga.

Umang App Kya Hai? Umag App Ke Bare Me

Jaise ki current Indian Goverment yani ki Shree Narendra Modi Goverment bahut jada hard work kar rahe hai pure country ko digital banane ke liye. Vaise hi Umang aap ek esa platform hai jo sabhi ko digital banane me puri madad karega.

Yah e-Governance mobile application MeitY (Ministry of Electronics and Information Technology) aur National e-Governance ke dvaara devloped hai.

Jis tarah BHIM application se aap online aur cashless banking transactions karate hai vaise hi Umang app se aap online goverment serivces ko kar sakenge. Bas yah aap aapke mobile device me install ho aur usake bad aap government ki 100 se bhi jada services ko kar sakenge jaise ki Passport banana, Aadhaar ya pan, Gas cylinder ki booking karana jaise aur bhi dusare kam. Isaka use karate huye aap apane ghar baithe bas ek mobile app apana income tax bhi file kar sakate hai.

Services:

Umang aap se aap kuch 12 tarah ki services kar sakate hai – agriculture, education, employment and skills, energy, finance, health, housing, police, public grievance, revenue, transport, and utility. Jisake bad isame jaise – jaise naye updates aayenge vaise – vaise isaki services bhi badh sakati hai. Jis tarah ki service category aap select karenge usi tarah ke services ki list aapko show hoga aur uname se apani required service ko select karana hoga.

Aapko Aadhar card, AICTE, Bharat BillPay, Bharat Gas, CBSE, DigiSevak, EPFO, My Pan NPS, Pay Income Tax jaise services denne vale platform ke bare me to pata hoga jo bahut din se hame serve kar rahe hai. Yah sab kuch aapko ek jagah mil sakata hai Umang aap me jisase alag – alag jagah pe nahi jana hoga.

Download Umang AppAndroid | iPhone | Windows Phone

Agar aap Umang aap ko stores pe nahi find out kar pa rahe hai to 97183-97183 par miss call kare aur aapko ek link ka SMS aayega jisako follow karate huye download kar sakenge.

Umang App Account Kaise Banaye

  • Download & Install karane ke bad Umang app ko open kare.
  • Jabhi aap isako open karenge to sabase pahale “Login & Register” ka option show hoga, Register par tap kare.
    Umang App Registration
  • Umang aap ke kuch terms & conditions honge unako padhe aur agree kare agar aapko koi problem nahi hai to.
    Terms & Conditions
  • Isake bad apana mobile number enter kare.
    Mobile umber enter kare
  • Aapke phone pe OTP aayega usako yaha pe enter kare jisase aapka mobile number verified ho jayega.
    OTP Verification
  • Ek MPIN bhi aapko set karana hoga, Yah PIN aapke security ke liye hai jabhi bhi aap koi process isame karenge to wo PIN ko enter karana hoga. MPIN 4 digits ka set karana hai aur isako yad rakhe isaki bahut jarurat padegi hamesa.
    MPIN Set Kare
  • Ab aapko apana kuch personal details jaise ki Name, Age, Sex, Phone Number, and Aadhaar card number ko enter karana hoga account profile banane ke liye. Sab details bhar lene ke bad “Save & Proceed” pe tap kare.
    Personal Information daaliye
  • Abhi aapka registration process khatm hua aur aapka account ban chuka.

Account bana lene ke bad aap service category ko select kare aur aap bahut sare services ko is app ke through kar sakenge.

Aapne jo details dala hai account banane ke liye usako bad me change bhi kar sakate hai aur sath me aap is account ko social media se bhi link kar sakenge. Account bana lene ke bad aap isame di gayi huyi sabhi services ka use kar sakate hai.

Umang App Use Kaise Kare

Umang aap ko use karana bahut aasan hai:

  • Account ban jane ke bad aap isake “Services” section me jaye.
  • Abhi aapko service ki category ko select karana hai.
    Service Category Select kare
  • Isake bad service type ka chunav kare.
  • Apan name enter kare aur State ka name jaha se aap ho ya jaha ki service hai.
  • Service selection ke bad aap sabhi aur dusare details ko follow kare.

Isake bad aapko sabhi guidelines vaha pe mil jayega aur aap khud dekh samajh sakate hai aur jo bhi aapki requirement hai usake base pe service ko select kare.

Customer Care Support:

Aapko customer care ki bhi service milega, Agar kuch problem hai aur kuch aur aapke pas valid requirement hai to support le sakate hai. Support service 8AM se 8PM tak rahega week ke har din, Is time ke bich aap apani sabhi serivces aur dusari query ko solve kar sakate hai.

Kuch aur aap Umang app ke bare me janana chahate hai to comment me apni query bataye. Mere khayal se to maine sab kuch pure details me bata diya hu aur guide bhi kiya hai Umang app kaise use kare wo sabhi tarike ke sath. Download link bhi diya hai aur agar wo nahi kam kar raha hai to aap diye gaye mobile number pe miss call kar ke bhi isako download kar sakate hai.

Leave a Reply

Your email address will not be published. Required fields are marked *