Instagram Ka Password Bhul Gaya Hai – Janiye Reset Kaise Kare

Mai mere Instagram ID ka password bhul gaya hu jisase mai mere Instagram ID me login nahi kar pa raha hu! Kya aap ko esa kuch problem ho raha hai jaise ki Instagram ka password bhul gaya ab kya karu isako dobara pane ke liye. Vaise ye koi badi bat nahi hai bahut sare aur mai khud kai bar password nahi yad rakh pata hu.

Instagram Password Kaise reset kare

Password bhul jane se aap ka account nahi band hoga balki aap passoword ko recover kar sakate hai. Aur mai aap ko vahi batane vala hu ki Instagram ka password kaise recover kare. Lekin is process ko shuru karane se pahale mai aap ko kuch points ke bare me batana chahiye jo ki bahut jaruri hai password ki recovery ki ke liye.

Janiye Instagram Par Kisi ko block aur unblock kaise kare.

  • Sabase pahale to aap ke Instagram account me Mobile Number ya Email Id verified hona chahiye.
  • Agar aap ne Mobile number nahi add kiya hai to Email ID to jarur hona chahiye.
    Jo Email Aap ne add kiya hai usako access kiya ja sake.
  • Agar aap ne Mobile number add kiya hai to wo mobile number active hona chahiye.

Abhi mai aap ko process ke bare me batata hu.

Instagram Account Ka Password Kaise Reset Kare Bhul Jane Par

Instagram Website Se: Agar aap Website se is process ko nahi kar sakate hai niche pe maine app se reset karane ka tarika bhi bataya hai sabhi screenshots ke sath to usako bhi follow kar sakate hai aur mere khayal wo jada aasan bhi hoga.

  • Pahale to aap ko Instagram Website ko open karana hai aur “Log in” option par click kare.
  • Abhi login screen aa jayega jaha niche par “Forgot Password?” par click karana hai.
  • Phir aap ke samane Instagram Password Reset Page open hoga jisame Apana email, Phone number or instagram account ka user name enter kare jisaka password reset karana hai.
  • Enter karane ke bad “Reset Password” option par click kare.

Agar aap mobile number enter kar rahe hai to us mobile number ek SMS aayega jisame password ko reset karane ke liye link hoga. Us link ko open karana hai jisake bad aap ek naya password ko set kar sakenge.

Email ID ka use karane par aap ke email account me ek email jayega aur usame bhi ek link hoga us link par click kare aur reset karane ke liye option aa jayega jisake bad aap ek naya password set kar sakenge.

Naya password set karane ke bad aap purane password ke bare me sochana chhor de. Abhi Jab bhi aap ko aap ke instagram account me login karana hoga to is naye password ka hi use kare jisase aap safal tarah se login aur instagram ko use kar payenge.

Instagram App Se Forgot Password Kaise Kare

App aur website ke interface aur tarike dono me jada fark nahi hai ye to bas nirbhar karata hai ki user ko kaha pe aasani ho rahi hai, PC ya smartphone par. Phir bhi mai aap ko ye bata deta hu Instagram app se password kaise reset kare.

Jaise ki Aap ko Instagram App ko open karana hai aur turant aap ke screen par Login ka option aa jayega.

Login option ke niche par “Get Help Signing in” ka option hoga us par tap kare.

Instagram Forgot Password

Yaha pe bhi aap user name, Mobile number or email id ka use kar sakate hai password ko recover karane ke liye.

Instagram user name enter kare

Abhi aap ke pas 2 options aayenge password reset code mangane ke liye.

  • Send an email
  • Send an SMS Message

Instagram Password Recovery options

Jo bhi aap ko behatar lage us ka use kar sakate hai.

Agar “Send an email” ka use karenge to aap ke email par link jayega jis ko open karate huye aap password ko dobara set kar sakenge ya phir “Send an SMS Message” ka use kare to aap ke registered mobile number par ek sms jayega password recovery link ke sath.

Password reset link

Us aaye huye link ko browser me open kare aur ek naya strong password set kare. Ab aap is naye password ka use karate huye aap ke Instagram account me login kar sakenge.

Instagram Password Reset kare

Aap aur website se Instagram ka password recover karane ka tarika maine bataya hai jo ki bahut hi simple hai. Aap kabhi bhi agar Instagram account ka password bhul jate hai to is tarike ko follow karate huye dusara password ko set kar sakate hai.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.