PAN Card Kaise Link Kare Aadhaar Card Ke Sath – Online & SMS

PAN card ko Aadhaar card se link karana abhi anivaary ho chuka hai Indian Goverment (Income Tax Department) ke naye law se. Goverment ne ek naya law banaya tha jabhi last budget aaya tha “Jisake pas bhi PAN card hai usako Aadhaar card se link karana hai.” Ye guide PAN card Aadhaar card se kaise link kare isake bare me hai. Jaha pe aapko mai PAN card ko Addhaar Card se link karane ke tarike ko bataunga.

Jaise ki Indian Goverment ka ye naya law hai ki aapke PAN card se Aadhaar card link karana hai aur agar aap esa nahi karate hai to aapka PAN card invalid bhi ho sakata hai. Mai aapko yahi bolunga ki jitana jaldi ho sake aap isako kar le isase pahale aapko koi problem face karane pade.

Ye process ham online karenge jisame mai aapko kuch steps ko bataunga screenshots ke sath jisase aap easily apana PAN card ko Aadhaar card se link kare sakenge. Isako karane ke liye aapke pas apka PAN card aur Aadhaar card hona chahiye.

PAN Card Me Aadhaar Card Kaise Link Kare

Vaise to abhi bahut sare goverment process ko ham online kar sakate hai. Agar hame apana Aadahaar card nikalana hai, PAN card ka status check karana hai ese bahut sare kamo ko ham online kar sakate hai aur isake liye goverment ne websites ko internet pe publish kiya hai.

Usi tarah aap PAN card ko Aadhaar card se bhi online link kar sakate hai bina kisi office pe gaye. Usake bad ek aur bhi tarika jisame ham SMS ke through linking process kar sakate hai. Un dono tariko ko mai aapke sath share karana vala hu. Uname se jo bhi aapko pasand ya aasaan lage usako follow kar sakate hai.

Online PAN Card ko Aadhaar Card Se Link Karane Ka Tarika

  • Sabase pahale e-Filing, Income Tax Department, Government of India website pe visit karana hai.
  • Services section pe jaye aur “Link Aadhaar” pe click kare.
    Link Aaadhaar
  • Apane PAN No & Aadhaar Card No. enter kare usake niche aapka name enter kare same jaise aapke Aadhaar card pe diya gaya hai. Captcha verification ke bad “Link Aadhaar” pe click kare.
    Online Pan Aadhaar card Link kare
  • Abhi aapka aadhaar link process verification ke liye jayega jabhi sab kuch sahi rahega to Aadhaar card aapke PAN card se link ho jayega.

SMS Se PAN Card Ko Aadhaar Card Se Link Kare

Income tax department ne aadhaar linking process ko aur bhi aasaan banane ke liye SMS method ko banaya. Jaha pe aap apane registered mobile number se SMS kar ke linking process ko complete kar sakate hai. Esa karane ke liye hame online jane ki jarurat nahi padega. Offline bina Internet ka use kiye bas text message kar ke aap yah kar sakate hai. Chaliye iske tarike ko step by step janate hai.

  • Apane registered mobile number se ek text message create kare.
  • UIDPAN<Space><12 digit Ka Aadhaar No.><Space><10 digit PAN No.> type
  • kare. Example – UIDPAN 325466749952 SKPLM3236G
  • Type kiya hua SMS 567678 or 56161 pe send kar de.

Sample Image:

Pan Card Aadhaar Link SMS se

Ek aur tarika hai jisase ham link process kar sakate hai lekin wo thoda alag hai. Aam users ke liye wo thoda mushkil bhara ho sakata hai isake liye mai usako batana jaruri nahi samajha.

Problems:

Aap logo me se ese bahut sare users hai jinako bahut sari problems face karani pad sakati aadhaar linking ke time. Wo log bahut bar apply kar ke try kar chuke hone lekin successfully hua nahi abhi tak. Isake piche kuch reasons hai jisake karana aapka request complete nahi hota hai.

Galat Information – Jabhi bhi aap apane details jaise ki Addhaar & Pan No aur name enter karate hai to us time sab kuch check kar ke apply kare. Agar aap kuch bhi galat information enter kar ke aadhaar link request apply karenge to usako verification ke time reject kar diya jayega. Isake liye sabhi details ko achhe se check kar ke enter kare aur usako ek bar dobara sure karana mat bhule.

Mismatch Information – Ye problem bahut sare users ko face karana pad sakata hai. Lekin unako pata nahi hota hai ki kis reason ki vajah se unaka request bar bar reject ho raha hai. Aapke document me kuch bhi mismatch nahi hona chahiye usake bad ye process complete hoga anytha nahi hoga.

Example – Suppose aapke Aadhaar card aur PAN card ke details match nahi karate hai. Jisame aapka Date of Birth or Name jaise information same nahi hote hai. Ese time me aapko uname correction karana chahiye usake bad apply kare.

I hope ki aapko PAN card me Aadhaar card kaise link kare isake bare me abhi pura process pata chal gaya hoga. Lekin phir bhi agar isako lekar aapke pas kuch query hai to aap mujhase freely puch sakate hai. Mai usako jaldi se solve karane ki puri koshish karunga. Kuch aur bhi dusare tarike goverment bana sakati hai isake liye aur agar esa kuch hota hai to usaka update aapko jaldi hi milega.

Leave a Reply

Your email address will not be published. Required fields are marked *