Online Aadhaar Card Se Mobile Number Kaise Link Kare OTP Se

Agar mujhe Online Aadhaar card mobile number se link karana hai OTP ke through to abhi ye suvidha aa chuki hai. Abhi Mobile number se aadhaar card link karane ka tarika pura badal gaya hai isame aap ghar baithe khud se aadhaar card aur mobile number link kar sakate hai. Isako OTP IVRS tarika kahate hai jisame aapko kisi bhi store par jane ki jarurat nahi padegi, Is tarike me aapko OTP se mobile number se aadhaar card link karana hai.

Indian Goverment ne sabhi telecom operators ko yah niayam lagaya hai ki sabhi SIM card users ke details phir se re-verify karana hai aur agar esa koi esa nahi karata hai to usake mobile number ke service band kar di jayegi. Jaise ki maine pahale bhi yah bataya hai ki Mobile Number Se Aadhaar Card Kaise Link Kare lekin usame maine purana vala tarika bataya hai. Yah guide bilkul hi naya hai jisame aap pura naya guide ke bare me janane vale hai.

OTP se Mobile number aur aadhaar card kaise link kare

Note: Is tarike ko follow karate huye BSNL, AirTel, MTNL, Reliance Jio, Vodafone, Aircel, MTS jaise aur sabhi telecom operators ke mobile number re-verification kar sakate hai.

OTP Se Aadhaar Card Kaise Link Kare Mobile Number Se

  • Jis mobile number se Aadhaar card link karana hai usase 14546 par call kare.
    Indian Residence ke liye 1 dabaye aur phir 1 dabaye continue karane ke liye.
    Call 14546
  • Abhi apana 12 Digits Unique Aadhaar number enter kare jisako link karana chahate hai.
  • Isake bad aapke operator se sabhi verification process me kar li jayengi.
  • Sab kuch verify hone ke bad aur jab process khatm ho jayega usake bad aapko ek OTP milelga aapke registered mobile number par.
  • Mile huye OTP code ko enter kare aur verify process ke bad aapka mobile number aapke aadhaar card se link ho jayega.

To itana sab kuch aapko karana hoga link karane ke liye lekin yah sab kuch aap khud se hi kar sakate hai kisi bhi store par jane ki jarurat nahi padegi. Itana sab kuch karane ke baad aapke mobile number ka re-verification process complete ho jayega aur abhi aapke number par sabhi services continue chalengi kuch bhi band nahi hoga.

Mobile Number Se Aadhaar Card Kyu Link Karana Hai?

Jaha tak mai janata aur manata hu to isake piche ke karana ho sakata hai ki logo ki pahachan ko verify karana hai. Aapko aur mujhe yaha tak ki sabhi ko pata hai ki kuch saal pahale hame ese hi SIM card mil jate the bina apana proof diye. Usame esa nahi tha ki bina proof ke sim card milata tha wo log kisi dusare ke proof ke name par aapka SIM card activate kar ke diya karate the. Vaise bhi sabhi fake proof vale sim card abhi bhi bahut sare honge to agar un sabhi ka re-verification hoga usake bad jitane bhi fake proof ka use kiye honge wo sabhi ke number band ho jayenge.

Fake ID se liya hua SIM card band ho jayega to isase wo log bach jayenge jinaka proof kisi aur ne use kiya hai aur goverment ko bhi isase kahi na kahi bahut fayada hone vala hai kyuki agar koi kisi number se galat kam kar raha hai aur usako pakadane ke liye ja rahe hai to wo kisi aur ki details milati hai jisake bad Police ko bhi bahut sari problems face karani padati usake bad jisake name ke wo card hoga usako bhi problem ho sakata hai.

Aur sabase badi baat ye hai kisi dusare ke name se SIM card activate karana niyam ke khilaaf hai to usame bhi bahut kuch sudhaar ho jayega.

FAQs

1. Kya Mai Kisi aur ke Aadhaar Card Se Apana Mobile Number Link Kar Sakata hu?

Nahi aap esa nahi kar sakate hai aap sirf apane Aadhaar Card ka use kar sakate hai apane mobile number se link karane ke liye aur agar aap esa karate bhi hai to wah niyam me nahi hai aur aapko bad me problems bhi face karani pad sakati hai. Agar esa kuch bhi galat milega to aapke number ki services bhi band ho sakati hai isake liye yah bat ka pura dhyaan rakhe ki sirf apana Aadhaar card use kare kisi aur ka nahi.

2. Agar Mobile number se Aadhaar Card Nahi Link Kiya to kya hoga?

Isaka answer ek line me hai – Aapke Number ki sabhi suvidhaye band kar di jayengi. Aap kisi ko bhi Call, SMS ya Internet ka use nahi kar sakenge yaha tak ki aapse koi contact bhi nahi kar sakega us number ke through.

3. Aadhaar Card Link karana ki Last Date Kab Hai?

Last date ke bare me bahut sare reports aaye hai jisame kahi par esa likha hai ki Feb, 2018 tak lekin mai jaha tak janata hu 31st March, 2018 ki last date ho sakati hai. Mai aapko yahi sujhav dunga ki date aane se pahale is linking process ko kar le jisase aapko kisi bhi tarah ki asuvidha na ho.

4. Kya isake liye paise ya kisi tarah ka fee dena padega.?

Nahi, Bilkul bhi nahi aapko ek bhi paise nahi dene hai.

Itane sabhi kuch samanya sawal hai jo aapke man me aa sakata hai to maine usake jawab diye hai lekin aapko kuch aur Online Aadhaar Card se mobile number kaise link kare isake bare me puchana hai to puch sakate hai. Vaise ham isako OTP se aadhaar card aur mobile number kaise link kare esa bol sakate hai kyuki sab kuch process to bina internet ke karana hai. Is jankari ko lekar agar kuch bhi naya aayega to mai usako jald se jald update karane ki koshish karunga.

Leave a Reply

Your email address will not be published. Required fields are marked *