5 Tarike se Online Security Badhaye – Virus & Data Chori Se Bache

Aaj ke time dekhe to sab kuch online hai to sawal ye hai ki, Online Secure Kaise Rahe? Agar aap internet use karte hai to isake bahut sare fayade aur nukasan bhi hai. Nuksan se mera matalab hai Online Security ke bare me, Kyuki users ko pata nahi rahata aur uanke piche bahut kuch ho jata hai. Unhi sab kuch samsya ko lekar mai Online Secuirty kaise badhaye us par kuch 5 tips ke bare me batane vala hu jo aap ko online samsya se secure rakhne me madad karega.

Jo bhi mai Online Security tips ke bare me batane vala hu wo jada se jada smartphone users ke liye hai lekin isake kuch tips aap ko PC par bhi kam aayega.

5 Online Security Tips Ke Bare Me

1. Safe Browser Ka use Kare

Agar aap internet pe browsers ke bare search karenge to aap ko bahut sare browser mil jayenge Smartphone aur PC ke liye lekin Safe browsers sirf kuch hi milenge. Maine bahut sare logo ko dekha hai ki wo log kisi unknows source browser ka use karate hai jisake bare me kisi ko bhi pata hi nahi rahata hai.

Browsers

Aap ko mai bata du ki agar aap ek galat browser ke use karte hai to aap khud ko safe mat samjhiye. Jada tar bad files jaise ki Virus, malware ya keylogger jaise data chori karane vali file internet se hi download hoti hai aur user ko pata hi nahi chalata hai. Background me wo sabhi apps install ho jayega aur usake bad problems aani shuru ho jati hai.

To in sab buri files se khud ko safe kaise rakhe online? Kabhi bhi kisi galat browser ka use mat kare. Mai aap ko yahi bolunga achhe browser jaise ki Google Chrome ka use kare jisame bahut sare Privacy & Security ke liye features diye gaya hai.

Jitane bhi dusare unknows source ke browser aap ke device me install hai un ko remove kar de aur achhe & sucure browsers ke use karna shuru kare.

2. Unknows Source Apps Mat Install Kare

Jabhi bhi mai Android security ke bare me bat karta hu to logo se hamesa yahi bolata hu ki aap ke android device me sirf Google Play store certified apps ko hi install kare.

Unknown Source

Kabhi bhi kisi website se .apk file ko mat download kare jisaka source pura unknown hota hai. Agar aap unknow source apps ko install karte hai to wo apps Google Play Store se ceritified nahi rahata hai yaha tak ki aap ko warning bhi milata hai unknown source apps ko install karte samay.

Unknows source app me kisi tarah ke galat functions ho sakate hai jo aap ke device ko data dono harm kar sakata hai.

Jabhi aap sirf Google Play store se apps ko install karate hai to wo sabhi apps verified rahate hai Play store se. Un sabhi apps me kisi tarah ke bure functions nahi hote hai.

Agar koi bhi devloper kisi bhi tarah ka harm app ko Google play store me upload kar raha hai to sabase pahale Google Play store usako achhe se scan karega aur agar kuch bhi usame galat milega to app Play store pe nahi publish hoga.

Isake liye Google Play Store se apps ko download karana safe hai aur Website se unknows source apps ko download karana pura hi unsafe hai.

3. HTTPS Connection

Agar aap Google chrome browser use karte hai to abhi aap ko bina HTTPS connection vali website open kar ke url bar me kuch notice karna chahiye. Jabhi aap bina ssl certified link open karenge to upar url bar me “Not Secure” ka message show hoga.

https connection

HTTPS, SSL certificate bahut jaruri hai aur jabhi aap website ko open karte hai to isaka pura dhyan rakhe ki wo website ssl certified hai ya nahi. SSL certified hone se usaka connection encrypted ho jata hai jis se server aur device ke bich koi bhi data share nahi hoga.

4. Account Security & Log-in Activity Check Kare

Aap ne koi bhi online account banaya hai jaise Google Account, Twitter Account, Facebook, In sabhi ke account security aur login devices & location ko hamesa check karate rahe.

Yaha tak ki abhi to aap email bhi set kar sakate hai, Jabhi bhi aap ke account me koi login karega to usake system ka name aur usaka location dono aap ko mail me aa jayega. Esa maine mere Google account me set kiya hai jis se mai hi kabhi bhi login karata hu to system information aur location jaha pe login hua usaka details mujhe email me mil jata hai.

5. Kisi ke bhi sath OTP mat share kare

Online security me OTP ka sabase bada mahatva hai, Ye esa ke step hai jis se aap ka sabhi data secure bhi hai aur agar isako aap kisi ke bhi sath share karte hai to samajh lijiye kuch bhi secure nahi hai.

Agar aap kisi ko OPT share karte hai to wo aap ke account me login kar sakate hai yaha tak ki aap ka password change kar sakata hai aur sabhi rights ko bhi hata sakata hai usake bad usame bahut sare changes bhi kar sakata hai.

Aap ne bank me shayad itana sikha hoga ki Bank kabhi bhi aap ke pas call nahi karta aur kisi bhi tarah ka OTP nahi mangata hai. Lekin phir bhi kuch logo ke pas fake calls aate hai aur wo un ka otp share kar dete jis ke bad un ke bank se bahut sari activity ho jati hai.

Mai kam sabdo me seedha bol raha hu ki kisi bhi tarah OTP (One-Time-Password) kisi ke bhi sath share mat kare.

In sabhi Hindi Online security tips & tricks ko follow kar rahe hai to aap jada se jada online safe rahenge. Kuch bhi agar aap ko security se lekar problem ho raha hai to usake mere sath share kar sakate hai.

Security ko lekar maine bahut sare research kiye hai agar meri samajh me aap ka problem aayega to mai aap ki puri madad karunga jisase wo problem dur ho jaye.

Leave a Comment

This site uses Akismet to reduce spam. Learn how your comment data is processed.