Netflix Ka Sabase Sasta Plan Ke Bare Me – Rs.65 & Rs.250

Jaise ki ek reports aaya tha jisame Netflix ke subscribers ki kami dekhi gayi jo ki company ke growth ke liye achha nahi hai. Shayad isake liye India me Netflix ka sabase sasta plan launch ho raha hai. Mai aapko is Netflix ke sabase cheaper plan ki puri jankari dene vala hu, Isame aapko services milegi un sabhi ke bare me.

Netflix ne officially yah kaha hai ki wo log ek bahut hi sasta (Lower – Priced) premium subscription ke launch karane ki taiyari me hai. Aur yah plan me ek bahut hi khas badlav hoga jo maine aaj tak kisi bhi dusare online streaming service me nahi dekha hai.

Jo yah Netflix ka sabase sasta plan launch hone vala hai wo khas kar ke Mobile users ke liye hi hoga. Company Rs.65 aur Rs.250 plans ko lekar aane vali hai aur mai aapko in dono plans ki jankari niche puri tarah se bata deta hu ki isame kya – kya aapko as user milane vala hai.

Netflix Rs.250 Plan Ke Bare Me

Sabase pahale is plan ki ek condition hai jo shayad aapko shayad nahi pasand aaye agar aap jadatar apane laptop pe series or movies ko dekhana pasand karate hai. Agar aap Netflix ka Rs.250 ka plan lete hai to aap Netflix ki sabhi shows, Movies etc dekh sakenge lekin sirf aapke mobile device par, aap is plan ko aapke laptop or TV ya kisi dusare device pe nahi use kar sakate hai sivay Mobile ke.

Tablet ki baat kare to abhi tak esa kuch confrim nahi hua hai ki, kya yah plan Tablet par chalega ya nahi lekin jaise hi kuch esa update milata hai mai aapko usake bare me update kar dunga ek bar yahi pe.

Ab chaliye validity ko dekhate hai, Isaki validity pure ek mahine ke liya hoga ab wo nahi pata ki 28 days or 30 days lekin mere khayal se to ese 30 days ka rakhana chahiye.

Netflix India

Netflix Rs.65 Plan Ke Bare Me

Netflix ka Rs.65 plan ki baat kare to usame bhi same service milane vali hai users ko jaise ki Rs.250 ke plan me milega bas isame Validity ka fark rahega. Yah plan me users ko sirf 1 week ka validity milega. Upar ke plan ki tarah isako bhi aap sirf mobile pe stream kar sakenge.

Jaise ki aapko pata hoga ki Netflix ke jo plans hote hai usake hisaab se usake video streaming quality bhi hoti hai. Jo abhi ke sirf mobile device ke plans aa rahe hai usame kya quality hone vali hai wo abhi tak nahi pata chal paya hai.

To ye sabhi plans kab launch honge?

Ese to bataya gaya hai ki company in sabhi plans ko lekar kafi samaya se testing kar rahi hai to yah sabhi plans jaldi hi market me aa sakata aur abhi direct company se bhi kuch official statement aa chuke hai to usake hisaab se to jaldi hi launch hona chahiye.

India me aap ne bahut sare Online streaming providers ke bare me suna hoga jaise ki Amazon Prime, Hotstar, ALT Balaji, Zee5 aur dusare sabhi ke plans ko agar dekha jaye to inake plans bahut hi saste hai Netflix ke compare me. Aur mere khayal se to hamare market me log saste cheezo par jada focus karate hai aur hamare liye shayad Netflix thoda mahanga pad raha hai.

Thoda mahanga to lekin mere hisaab se to Netflix ke jo content hai wo shayad hi aapko kahi dusare jagah par milega. Netflix ki bahut sari original movies aur series hoti hai baad me bahut sare movies aur dusare series jitana aur dusare company shayad nahi de rahi hai isake liye inake charge bhi thoda jada hai.

Vaise abhi to Mobile users ke liye yah Netflix ka sabase sasta plan bahut achha hoga kyuki wo sirf Rs.250 me pura ek mahine ke liye isako enjoy kar sakenge aur agar sirf ek week ke liye chahiye to bhi Rs.65 ka plan ko le sakate hai. Ab bas in sabhi plans ko launch hona baki hai, launch hone ke bad hi yah pata chalega ki ye jo plans hai wo users ko pasand aaye ya nahi.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.