Computer ya Laptop Hang Hone Ke 10 Karan – 2018 Research

Mera laptop hang ho raha hai, Mera Computer hang ho raha hai aur bahut slow chal raha hai, Esa Kyu? Kuch bhi aap ke system me hota hai bura ya achha usake piche koi na koi karan hota hai. Computer slow hone ya hang hone ke piche bhi kuch karan hota hai. Mai aap ko vaise hi kuch bade mukhya 10 karan ko bataunga jisaki vajah se aap ka computer ya laptop slow performance karata hai aur kabhi – kabhi hang bhi ho jata hai.

Agar aap in sabhi points ko dhyan me rakhenge to shayad aap ke system me slow aur hang hone ka problem hi kabhi nahi aayega. Kyuki kisi bhi cheej ko band karane ke liye sabase pahale usake hone ka karan janana padata hai jise rok kar ham us cheej ko puri tarah se band kar sakate hai.

Laptop Hang Kyu Hota hai?

Jis din aap laptop kharide ya jis din aap ne naya Windows Operating System install kiya us din se kuch din tak to sab kuch sahi chalata hai, hai na? Lekin jaise kuch din jata hai dheere – dheere laptop ka performance slow ho jata hai. Phir esa kuch din slow chalane ke bad hang bhi hone lagata hai.

laptop Hang Kyu hota hai

Slow tak to thik tha kaise bhi manage ho jata tha lekin system hang hone lagata hai to bahut sari problems aa jati hai. Hang hone ki vajah se system ko kabhi – kabhi switch button se direct band bhi karana padata hai jo ki achha nahi hota. Kuch – kuch time par reboot karana aur bhi bahut sare problems aa jate hai aur phir use karane ka man hi nahi hota.

Mujhe pata hai ese samay se aap gujar chuke honge ya abhi bhi esa samay hi chal raha hai 🙂 Lekin aap paresan mat ho isaka solution hai mere pas.

Jitane bhi karan mai niche par batane vala hu un sabhi ko apane system par kabhi hone na de, Isaka matalab na rahegi baas aur na bajegi basuri.

10 Karan Jisakai Vajah se Laptop Hang Hota Hai

1. Hard Disk Ki Kharabi

Kisi bhi computer system ke speed ko badhane aur kam karane me hard disk ka bhi ek bahut bada role hota hai. Hard disk yani ki wo memory jaha par system software (Windows or dusara koi bhi OS) install hota hai. Jabhi aap system ko run karate hai to Hard disk ke upar hi sabhi software run hote hai.

Hard Disk

Ese me agar aap ke system ke hard disk me kisi bhi tarah ka problem jaise ki hard disk ka corrupted ho jana, tut jana ya kisi harm file se infected ho jana ye sab hard disk ke perfomance par asar dalati hai. Aur jab hard disk ke performance par kisi bhi tarah ka asar padega to system ka slow hona taya. Aur agar yahi damage jada bade me hai to PC hang bhi hone lagata hai.

2. Paryapt Free Space Nahi Hai

Agar aap ek Windows PC user hai to “C Drive” ke bare me to pata hoga jisame Windows OS install hota hai aur usaki sabhi files isame stored hoti hai. OS installed hone bad jo bhi application software aap install karate hai wo sabhi bhi is drive me install hota hai.

Jabhi aap koi application software install karate hai to usaki ek fix memory size rahata jo wo install hone ke bad le leta hai. Yaha tak to aap ko samajh aa raha hoga ab mai aap ko ek example ke sath samjhata hu.

Example – Maan lijiye aap ke pas ek Laptop hai Jisaki hard disk ki capicity 1TB hai. Aap ne isame se 50 GB System software install karane ke liye disk partition kiya jisako “C Drive” ke name se bhi jana jata hai, Windows users ko pata hoga.

Ab “C Drive” ki total capicity kitani hai? 50 GB ha!

Jisake bad aap Windows/Lniux ya koi bhi operating system usame boot karate hai. Pahale to 50 GB ki capicity thi lekin boot karane ke bad wo space kam ho jayega kyuki aap ne usame bahut sare program files ko install kar diya hai.

Abhi aap ke pas kuch 35-40 GB se thoda bahut jada ka space bacha rahega. Itane space me aap ka system chalega lekin problem tab hoti hai jab aap dusare application softwares ko install karane lagate hai bina memory ki space ko check kiye hu ki kitana free hai aur kitana free rahana chahiye.

Jab aap jada programs ko install kar lete hai to drive me space kam ho jayega jisake bad jabhi aap programs ko run karate hai to slow perform karate hai bad me jada kam memory hone par failed ho jata hai jisako bahut sare log “System hang ho gaya” kar ke bhi bolate hai.

Mujhe lagata hai aap ko “Computer Me Se Duplicate Files Kaise Delete Kare” is par vichar karana chahiye.

Kabhi bhi aap programs ko install kar rahe hai to aap ke drive ki space jarur check kar le. Jab aap disk partition karate hai to system software install karane vale drive me jada space allocate kare jisase aap jada se jada application softwares ko install kar sakenge.

3. Jada Task ka Run hona Background Me

Aap jada se jada programs yani tasks ko ek bar kar rahe hai aur jis par nahi kam karana hai usako bhi open kar ke rakhe hai to bhi ese case me memory ki size kam hone par aap ka system hang ya fail ho jayega.

Jabhi bhi aap PC par kam kar rahe hote hai to sirf unhi programs ko runing mode rakhe jinaka use hai. Jis par aap kam kar chuke hai ya jis par kam nahi karana hai aur usako abhi tak close nahi kiya hai to un sabhi tasks ko close kar de.

Background Running program ko aap task manager se check kar sakate hai. Taskbar par righ click kare aur “Task Manager” option par click kare, Yaha pe aap ko sabhi background me run hone vale programs aur wo kitana memory le rahe hai usake sath me aur bhi tasks se related janakari aap ko mil jayega.

Windows Task Manager Option Windows Task Manager Window

4. Jada Samay Se System Ko Reboot Nahi Kiya

Aap morning me uthe sytem ko chalu kiya aur lambe samay tak usako kar rahe hai. Ek bar bhi shut down nahi kiya bas use ho raha hai. Mai bade high end systems ki bat nahi kar raha hu lekin mid range vale system ko jada time tak use karane se performance me kuch kami aa sakati hai.

Mai mera khud ka anubhav batana chahunga is topic par.

Jab mai Windows 7 use karata tha to aksar ese samasya ka samana karana padata tha mere laptop me. Subah me uth kar laptop chalu karata tha aur 5-6 hours ke lagatar use karane ke bad thoda dheema ho jata tha.

Phir mai kya karata tha ki laptop ko kuch time ke liye band kar deta tha aur usake bad jab dobara chalu karata tha to sab kuch vaise normal jaise chalane lagata tha.

Lekin ye pura change ho gaya jab se maine Windows 10 ko install kiya hai. Ab to mai Subah ko chalu karata hu aur pure din bhar use karane ke bad bhi night me bhi use karata hai lekin kuch bhi fark nahi padata hai.

Phir bhi mai aap ko yahi bolunga ki kuch samay ke use ke bad aap system ko ek bar reboot kar de agar esa lag raha hai ki abhi system slow kam kar raha hai to.

5. Direct Shut Down Karna

Kuch users ki bahut buri aadat hoti hai ki wo log apane laptop ya computer ko direct band kar dete hai. Direct band kar dene se aap ka system ready nahi rahata hai band hone ke liye aur jo programs background me run rahata un sab ko close kiye huye bina kuch saving kiya pura system turn off ho jata hai.

Direct plug ya laptop button se shut down karana aap ke system ke health ke liye achha nahi hai. Kabhi bhi PC ko band karana hai to shut down option ka use kare.

Windows Shut down option

6. Purane Outdated Drivers

Drivers jo ki bahut important hai hardware ko run karane ke liye khas kar Windows system me. Sabhi alag – alag hardware ke liye alag – alag vaise hi drivers hi aate hai unako run karane ke liye.

Kuch drivers updates bhi hote rahate hai jisase uanme bugs aur errors ka suddhikaran hote rahata hai. Ese me agar aap bahut purane outdated drivers ka use kar rahe hai to hardware achhe se perform nahi kar sakega jisase system ke speed par bhi asar padega.

7. Virus & Malware Files Infections

Virus aur Malware files ese bad files hai jinaki vajah se achhe se achha hardware vala system crash ya hang ho sakata hai. Aap ko to shayad pata bhi nahi hoga ki kab aap ke system par ye sabhi bad files attack kar deti hai aur usako slow kar deti hai.

Windows Virus & malware files

Isake liye kisi achhe scanner ka use kare in sabhi bad files ko aap ke system se hatane ke liye.

8. Operating System Ka Outdated Hona

Operating System jaise ki Windows, Linux, Mac etc in sabhi ke updates aate rahate hai lekin bhi users purane version se jada anubhav hone ke karan update nahi karate hai balki purane version ko hi use karate hai.

Windows OS ki bat karate hai..

Aap abhi bhi kahi – kahi par dekh sakate hai ki kuch log Windows XP use karate hai jo ki kab ka outdated ho chuka hai aur Microsoft khud ne isaka support khatm kar diya hai. Iatana purana Windows version aur log abhi 2018 me bhi use karate hai, Isake piche ka karan hai ki wo log naye updated system ko jaldi samajh nahi pate aur sikhane ka koshish bhi nahi karate.

Mai abhi ke samay me Windows 10 Pro naya version use karata hu, Windows 10 updated version me mujhe koi bhi kisi tarah ka samsya nahi hai sab kuch achha hai aur bahut sare naye features bhi hai.

Windows 10 PC

Performance ki bat kare to bahut achha hai aur kis bhi tarah ka slow ya hang ki samsya mai isame nahi feel karata. Booting time to kamal ka hai jo mai baya nahi kar sakata.

Lekin agar mai phir se vapas jau aur Windows 7 ko install karu to Windows 10 ke mukabale mujhe bahut sare features ko nahi use karane ko milega aur performance me bhi giravat aa jayega.

Aur agar mai Windows xp install karata hu to shayad hi mai mere system se kuch kam kar saku sivay entertainment ke wo bhi achhe se nahi hoga.

To, Jaise company updates nikalati hai usako lena chahiye bhale shuru me thoda samsya ho usako sikh lena chahiye kyuki sabhi updates me kuch na kuch naya hi hota hai users ke liye.

9. Lower Class Hard Disk Quality

Jaise ki maine pahale hi upar ke memory ke points me bataya hai system ki perfomance ko badhane ke liye memory ka bahut bada hath hota hai. Esa nahi ki aap ke system me bahut jada badi memory hai to usaka performace bhi utana hi achha hai.

Usame quantity ke sath quality bhi hona chahiye. Agar aap ke sytem me lower class ka hard disk use hua hai to usake base par usaka performace rahega. Isake liye jabhi aap system ko purchase kar rahe hai to usaki memory ki type ke bare me achhe se pata kare.

SSD Hard Drive

Mai logo ko yahi bolata hu ki kam storage rakho lekin SSD use karo jo aap ko behatar speed dega. SSD use karane se booting bhi bahut fast hota hai.

10. Unknown Source Programs Ko Install Karana

Kisi bhi program ko system par install karate huye, Kya aap ko usake source ke bare me pata rahata hai? Esa problem sabase jada Windows system me dekhane ko milata hai, Abhi to Microsoft store hone ke bad bhi log dusari websites se programs ko download & install karate hai.

Kabhi – kabhi aap kisi galat website se koi lagat software application ko install kar lete hai jisame harm files hoti hai jo aap ke system ko slow kar deti hai. Jabhi bhi aap kisi application ko install kar rahe hai ek bar usaka source check kar le usake bare me jankari le ki wo safe hai ki nahi. Kisi tarah ka attack file to nahi hai jisase aap ke system security me problem aa sakata hai.

Windows Firewall, Windows defender Security ko actiavte rakhana ek bahut achha faisala hoga!

Ye sabhi 10 karan hai jo aap ke laptop ki speed ko slow kar deta hai aur agar yahi sabhi jada badh jata hai aur bade level me aa jata hai to pure system ko hang aur crash bhi kar deta hai. Ab to pata chal gaya hoga ki Laptop slow kyu chal raha hai ya hang kyu ho raha hai. Jitane bhi karan bataye hai maine un sabhi se aap ke system ko dur rakhe phir slow ya crash jaise problems ka samana nahi karana padega.

Agar aap ke pas koi sawal hai jaise ki Aap ke laptop ya computer me esa kuch ho raha hai aur aap ko nahi pata ki usako kaise sahi kare to mujhe apani problem ko comment me bataye. Device ka model aur problem ki details ko jarur likhe jisase mai aur achhe se madad kar saku.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.