JioFiber Preview Offer Ke Bare Me – 100 Mbps 300 GB Free data

Kya aapko JioFiber Preview offer ke bare me pata hai? Yah ek new Internet service hai Reliance Jio ki taraf se. Ham sabhi ko pata hai jabhi Jio 4G SIM card launch hua tha to company ne isako free me sabhi users ko diya ek tarah ka test karane ke liye.

JioFiber Preview offer bhi esa same kuch Jio 4G Previews offer jaisa hai. Isame hame kuch data free me diya jayega (Kitana data diya jayega wo sabhi niche pe mai details me batunga.) Agar user ko pasand aaye ye service to future me wo pay kar ke use kar sakenge. Chaliye abhi sab kuch thoda aur details me janate hai.

Ek jo sabase pahali baat aapko jaan lena chahiye – JioFiber ki service abhi sirf kuch selected city me hai. Agar aap un city me rahate hai to isaka labh le sakate hai. In case aap un sabhi available city me rahate hai to isako pura padhe aur JioFibe ki jankari le.

JioFiber Service Kya hai?

Yah ek tarah ka connection hai jo aap apane Home, Office, Company ya kisi aur dusare jagah pe setup kar sakate hai. Isame Fiber technology ka use hua hai jisase isaka network bahut strong aur fast rahega. Fiber hone ki vajah se isame technical issue aane ke bhi bahut kam chances hote hai. Optical fiber cable ko jane jisase aap aur bhi details me isake fayade ko samajh sakenge.

Reliance JioFiber Preview Offer Ki Puri Jankari

JioFiber Preview Offer me aapko 100 Mbps ki speed se 300 GB free data milega. Isaki validity pure 90 days tak rahega jab se aap connection lenge. Is plan ko lene ke baad isake sabhi premium apps jaise ki JioTV, JioCinema, JioMusic, JioNews, JioXpressNews aur JioCloud ko bhi use kar sakenge.

100 Mbps ki speed ke sath hame 300 GB data milega lekin usake baad ham unlimited use kar sakate hai 1 Mbps. Suppose, Aapne kuch din me 300GB data khatm kar diya isaka matalab yah nahi ki aapka internet band ho jayega. Usake baad bhi aap 1 Mbps ki speed se unlimited data use kar sakenge jab tak validity rahega aapke is free trial plan na.

Ek limit hai isame ki aap one month me sirf 100 GB data use kar sakenge. Isaka matlab har 30 days ke liye aapko 100 GB fast data milega wo end hone ke baad  1 Mbps ka speed chalega. Jabhi 30 days complete ho jayega to phir se aapko 100 GB data mil jayega 100 Mbps speed ke sath.

Wo log jo jada fast internet ka dream dekhate hai unake liye yah ek bahut achha service hoga. Vaise kuch din pahale maine speed test dekha tha JioFiber ka jo mumbai ke location pe sabhi ne kiye the. Tabhi ka speed up to 70 Mbps ka tha. Aur abhi yah sunane me aa raha hai ki bahut sare naye improvements ho chuke hai jisase average speed kuch up to 90 Mbps ka de raha hai.

Jo Speed ka screenshot yaha pe bataya gaya hai wo thode din pahale hai abhi ka nahi hai.

Jio Fiber Speed Test Result 2 Jio Fiber Speed Test Result 1Jo user jada uploading aur heavy downloads karate hai unake liye to ye best hoga. India me vaise bhi sirf kuch cities me high speed internet hai. Shayad Jio abhi hamare India ke sabhi cities me jaldi se jaldi yah fast internet ko de sake.

100 Millions se jada log Jio 4G ko choose kiya. Aap bhi shayad Jio sim card use karate hai vaise isame to kuch jada puchane vali baat nahi ki isaki service kaisa lagata hai. Lekin aap JioFiber Preview offer ke bare me kya bolate hai. Kaisa laga aapko ye Jio ka naya service aur jo isame free trial de raha hai 300GB data wo free me jisaka speed 100 Mbps ka hai. Apana jawab jarur bataye 🙂

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.