Jio GigaFiber Preview Offer Ke Bare Me aur 100GB Data Paye

Maine pahale hi Jio GigaFiber registration ke bare me likha tha aur usame yah saf – saf bataya tha ki 15 August, 2018 se isaka registration shuru ho jayega. Jaise ki ab vah date aa chuka hai aur GigaFiber ka registration bhi shuru ho chuka hai. Lekin kya aap ko Jio GigaFiber Preview offer ke bare me pata hai?

JIo GigaFiber

Agar aap ek Jio SIM card use hai to aap ko isake shuruat ke bare me pata hoga. Jab Jio 4G Sim card pahali bar launch hua tha to isame ek bahut hi anokha Preview offer tha. Jis offer ke hisab se users ko kuch din ke liye free me internet, SMS aur Calling ki suvidha di ja rahi thi.

Is offer ka mukhya karan tha ki Jio users isaki services ko parakh sake. Aur parakhane ke bad wo tay kar sake ki Jio ko future me use kar sakate hai ki nahi. Usake bad Welcome offer aur phir Happy new offer jaise aur bhi bahut sare dhamal huye Jio ke customers ke liye. Aur phir bad me Jio ne paid Service Jio Prime ko nikala aur abhi ke samay dekhe to Jio users Calling, Internet, aur SMS ke liye pay kar rahe hai.

Ab aap soch rahe honge ki mai ye sab purani bakwas abhi kyu kar raha hu. Aap ne Jio GigaFiber Preview offer ka name to sun liye hai aur mai aap ko bata du ki isame users ko 100GB tak free data diya raha hai jisaka speed 100mbps hai. Aap ko nahi lagata hai ki 4G sim card jaisa entry hai.

Kya Jio GigaFiber Free Me 100GB Data De Raha Hai?

Nahi esa bilkul bhi nahi hai yah Jio ke SIM card jaisa nahi. SIM card ko aap dekh sakate hai ki yah ek bahut hi chhota device hota hai lekin Fiber connection ki bat kare to isame bahut sare devices ka use hota hai usake bad user ko internet access karane ko milata hai.

JIo GigaFiber Preview Offer ke sath register kare.

Lekin ek bat hai aap ko 100GB ka koi bhi charge nahi dena padega wo pura free rahega wo bhi 100mbps ki speed ke sath. Aap ko sirf Setup ka charge dena hai. Kyuki Jio GigaFiber ko aap ke liye setup karane me kuch device jaise ki router aur bhi kuch wires ki jarurat padegi to usaka charge aap ko dena padega.

Aap koi bhi internet connection le rahe hai to usame Data Charge aur installation charge dono alag se pay karana padata hai. Installation charge ki bat kare to wo sirf ek bar ke liye hota hai usake bad usaka charge nahi dena padata hai.

Jio GigaFiber me bhi vaisa hi kuch hai, Customers ko ek bar Rs.4500 installation charge ke rup me dena padega usake bad preview offer ke under 100GB data free milega jisaki speed 100MBPS hoga.

Ek tarah se aap isako trail data bhi bol sakate hai, Agar aap Jio GigaFiber ki service se khus aur santust hai to aap isako hamesa ke liye use kar sakate hai aur agar nahi hai to isako band kar sakate hai ye aap ke upar hoga.

Abhi aap ke man me yah sawal uth raha hoga ki service band karane ke bad installation charge ka bhara hua paisa vapas milega ki nahi. Mai bhi usi ka answer dhund raha hu lekin abhi tak kuch confirm nahi hua hai ki Installation charge refundable hai ki nahi.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.