Dark Mode Kaise Enable Kare iPhone Me – iOS 11

iPhone users ke liye iOS 11 ek bahut bada System software update hai. Is update me bahut sare naye features aaye dusare purane iOS updates ke mukabale. Jisame ek feature ke bare me mai aapko batane vala hu ki iPhone me dark mode kaise enable kare. Yah feature bilkul hi naya hai aur bahut intresting bhi. Agar aapka iPhone black or Space Gray colour me hai to dark mode usape jada suite karega.

iPhone me Dark mode enable karana hai isake liye hame kisi bhi tarah ka app nahi download karana hai. Settings me jakar ham isako bade aasani se enable kar sakate hai. Niche diye gaye steps ko follow kare.

iPhone Dark Mode Enable karane Ke Tarike

  • Apana iPhone unlock kare aur Settings me jaye.
  • General Option me jaye aur phir Accessibility pe tap kare.
    General>Accessibility
  • Abhi Display Accommodations me jaye usake bad Invert Colours me.
    Invert Colours
  • Yaha pe aapko do option milega ek Smart Invert aur dusara Classic Invert, Yaha se aap Dark mode enable kar sakate hai iPhone device me.

Dark mode enable kare

Settings>General>Accessibility>Display Accommodations>Invert Colours> Smart Invert & Classic Invert.

Dark Mode Ke Bare Me

Mai khud ek iPhone user hu aur maine mere iPhone 5s & iPhone 7 dono devices me ye feature ko enable kar ke isaka anubhav kiya. Visibility ki bat kare to bahut sara change maine dekha isako enable karane ke bad.

Pahale normal mode pe mere iPhone ke sabhi Menu or Settings White aur dusare colours me the jaise ki default me hota hai. Lekin isako enable karane ke bad sab kuch black me change ho gaya. Esa karane se sirf Display ka colour change hua. Images aur Videos files ki bat kare to usame koi bhi visual change nahi hua.

Lock & Home screen me kuch isaka jada effect nahi dikhata. Jabhi aap settings menu ko open karate hai to vaha pe pura change ho jata hai White se Dark mode me. Maine dekha ki kuch apps me bhi ye changes hua lekin sabhi me esa nahi ho raha hai. Shayad kuch ese apps jo is mode ko support karate hai. Messages, Calendar, Music jaise kuch aur dusare apps me dark mode ka effect apply hota hai.

Ek sabase bada change dekha maine Facebook app ko Dark mode me use karane ke bad. Jis tarah se pahale Facebook app ka interface tha mere iPhone device usase bahut jada change ho gaya. Sab kuch mera Timeline, Notfications, Groups aur usake sabhi content ki visibility dark me change ho gaya.

Dark mode matalab ye nahi ki sab kuch dark or black colour me hoga isame aur bhi dusare colours aate hai. Abhi to aapko Dark mode kaise enable kare ye to janate hi hai. To agar aap iPhone user hai to isako apane device me ek bar activate kare jisake bad aapko pura anubhav milega.

Leave a Reply

Your email address will not be published. Required fields are marked *