BSNL Rs 75 Plan Ke Bare Me – 10 GB data & Unlimited calling

BSNL Jeevitha Plan Ke bare me: BSNL ne abhi jaldi me ek aur naya prepaid plan nikala hai jisaki keemat sirf Rs 75 hai aur isame milane vali services isake keemat se bahut jada hai.

Jaise ki maine Title me hi bataya hai ki users ko 10GB data milega usake sath me unlimited voice calling ka bhi labh hai. Lekin isake bad sabase bada bhag hota hai validity ka. Kyuki jabhi bhi koi plan me limited high speed data hota hai aur unlimited calling hota hai to users us plan ke validity par jada dhyaan dete hai.

Kyuki kam paise me jada din ke liye free calling milega to achha rahata hai. Rs 75 to kam hai lekin validity bhi sirf 15 days ke liye hai. Mere khayal se Rs 75 me 10GB internet Data wahi achha hai sath me unlimited free calling bhi hai to user ko calling ke liye kisi bhi tarah ka extra charge nahi pay karana padega.

Abhi sabase bada problem kya hai is plan me.

Rs 75 mujhe lagata hai ki users ke liye jada amount nahi hoga lekin yah abhi ke samay me sirf Andhra Pradesh & Telangana circle me valid hai. Shayad jaldi hi BSNL isako sabhi circles ke liye approve kar de lekin abhi tak vaisa kuch report nahi hai.

4G to hai nahi sirf 3G internet milega wo 10GB aur 15 days ke liye, Agar aap ek BSNL user hai to kya itana data aap ke liye paryapt hai ya aap isase jada ki ummeed rakhate hai company se? Jawab dene se pahale ek bar jarur soch le ki isame unlimited voice calling ka bhi benifit hai. Net slow chal sakata hai lekin calling me to shayad kisi tarah ka jada samsya nahi hota hoga users ko.

Maine aur bhi kuch dusare BSNL plan ke bare me bataya tha jaise ki BSNL Rs 444 plan jisame users ko 6GB data per day mil raha hai wo bhi 60 days ke liye. To wo plan ke bare me bhi aap soch sakate hai agar aap jada data ek din me use karate hai aur jada samay tak ki validity chahiye to.

In sabhi ke bad abhi Relaince ne Jio GigaFiber ko bhi launch kar diya hai to us par bhi users ki najar hai. Jada log to yah soch rahe hai ki isame kuch trial jaisa aayega kya jisame users ko kuch mahine ke liye free me service diya jayega usake bad charge liya jayega. Esa ho bhi sakata hai kyuki Reliance esa pahale kai bar kar chuki hai.

Leave a Comment

This site uses Akismet to reduce spam. Learn how your comment data is processed.