Apple Event 2018 – September 12 Ko Naye Iphones Launch Honge

Apple ne yah confirm kiya hai ki unaka ek event September 12 ko rakhenge jisake liye logo ko invitation milana bhi shuru ho chuka hai. Yah September 12, 2018 ka event naye iphones ko launch karane ke liye bhi ho sakata hai.

Bahut sare reports me yah dekhne ko mil raha hai ki Apple bahut jaldi hi iPhone Xs ya ek sasta iPhone launch karane vala yah sab confusion kuch din me puri tarah se clear ho jane vala hai.

Apple Event Invite

Mujhe Saste iPhone se nahi samajh me aa raha hai, Agar India me bat kare to Sabse saste Model me iPhone 5se aur 5s model hai lekin inake price bhi 18K tak hai (kabhi – kabhi niche upar hote rahata hai price) lekin agar aap dusare Android devices ki bat kare to itane budget me bahut kuch mil jayega customers ko.

Ye sabhi models khas kar to iPhone 5s jo 2013 me launch hua tha jisako launch huye 5 years hone vale hai lekin abhi bhi yah device market me hai aur customers log isako kharid bhi rahe hai. Isake piche ka reason iPhone ki value bhi ho sakati hai kyuki India me log iPhone se kuch jada hi show off kar lete hai aur isaka name bhi kafi jada hai.

Agar aap Hardware ki bat kare to iPhone ke hardware bahut hi jada solid hote hai us time ke base par jab yah launch hota hai. Mai do saal pahale iPhone 5S use karta tha aur us time jo isaka speed tha vaisa maine mere kisi bhi dusare mobile device me nahi dekha. Lekin dheere – Dheere naye updates ko install karane ke bad speed bahut hi slow ho gaya.

Lekin sab yah bata rahe hai ki naye iOS update me yah sabhi fix ho jayega aur small devices jaise ki iPhone 5s ki speed hi bahut jada improve hone vali hai. Vaise to maine abhi tak mere 5s model me nahi install kiya lekin dekhate hai ki kya hota hai.

Apple ke September 12, 2018 ke event ki bat kare to reports ke hisab se is bar bhi kuch naye aur alag products ko company launch kar sakati hai. Meri to sabase jada najar isake Saste naye iPhone par rahega ki usame kya feature rahega aur usake hisab se usaka pricing kya set karne vali hai company.

iPhone Xs ki bat kare to usame log bol rahe hai ki Screen me fingerprint scanner set karne vale hai jo ki bahut achha hoga kyuki bahut sare logo Face Unlock nahi pasand hai. Mere kuch freinds hai jo iPhone X use karate hai wo bolate hai ki feature to achha hai lekin Fingerprint sath me hota to aur hi hota aur Figerprint scanner ko wo log jada miss karte hai itane highly price vale device me.

Official Event Invite Page Link

iPhone 9 bhi launch ho sakata hai lekin agar Model series ki bat kare to bahut sare ese company hai jo 9 number ko skip kar deti hai. Isaka sabase bada example hai Windows jisane Windows 9 ko skip kar ke direct Windows 10 ko launch kiya.

Abhi tak official se kuch reports nahi hai ki Apple is naye event me kya launch karega mai to bolunga bas kuch din ki aur bat sab kuch samane hi aane vala hai.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.