Android Mobile Ka Battery Backup Kaise Badhaye – Tested

Kya aap ko esa mahasoos hota hai ki aap ke android smartphone ki battery pahale se kam chal rahi hai?

Agar Ha to kyu aur Android Mobile ka battery backup kaise badhaye?

Bahut sare ese android devices bhi hai jinhe use na karo phir bhi battery bahut jaldi utar jata hai.

Android mobile ki battery backup ko lekar maine ek pareekshan (test) kiya aur usame kafi acchha result mila. Us pareekshan ke anubhav ko mai aap ke sath share karane vala hu.

Battery backup kam hone ke bahut sare karan ho sakate hai lekin mai aap ko 2 bahut mukhya karan ke bare me batata hu.

Ek to software problems aur dusara Hardware problems.

Adapter aur Cable ki vajah se hota hai lekin ham us par nahi bat karane vale hai kyuki wo aap khud samajh sakate hai.

Agar yah Software problem hai to mai is mamale me aap ki puri tarah se madad karane vala hu ki isako kaise theek kare.

lekin agar aap ke device ki battery kisi hardware me problem hone ke karan nahi achha backup de raha hai to yahi achha hoga ki aap usako Service center par dikhaye.

Software problems ke upar charcha karate hai ki aap ke android device ke software me kya esa ho sakata hai jisaki vajah se device ka battery backup kam ho jata hai.

Note: Maine khud is Android Mobile ki battery badhane ke tarike ko mere ke android device me pareekshan (test) kiya hai. Is pareekshan ke bad us device ki battery backup me kafi jada sudhar aa gaya hai.

Android smartphone ka backup badhaye

Background Running Apps

Sabase Pahale mai aap ko ye batana chahunga ki Background running apps se mobile ka battery kyu kam chalata hai. Phir usake bad mai ek application tool ke bare me bataunga jisaka use karate huye aap is samsya ko theek kar sakate hai aur aap ke android device ka battery backup phir se normal jaisa ho jayega.

Background Running Apps Mobile ki battery Ko Kaise Kam Karta Hai?

Maan lijiye aap ne koi ek Game application install kiya hai. Ye to samany hai ki jab aap us game ko khelenge to device ka battery hona shuru jayega lekin jab aap usako khelenge tabhi vaise nahi.

Lekin hota kya hai, Kuch ese apps bhi aate hai jo band kar dene ke bad bhi background (Piche) me run hota hai usaka process chalata rahata hai jisaki vajah se device ka battery jaldi low ho jata hai.

Ab us Game ka udaharan le lete hai!

Aap ne Game ko open kiya aur thoda time khel kar usako close kar diya.

Lekin agar usame kuch esa feature hai jisaki vajah se wo background me chalu hi rahega aur aap ko pata bhi nahi chalega to wo battery to khayega hi.

Vaise bahut sare aaps aap ke device me installed ho sakate hai jisaki vajah se mobile ki battery bahut jaldi khatm ho ja rahi hai. Chaliye janate hai ki isako theek kaise karte hai.

Kuch android fast charging apps ke bare me bhi jankari le sakate hai.

Greenify App Ke Bare Me

Jaisa ki maine pahale hi kaha tha ki ek background apps ko band karane ke liye application batane vala hu to time aa gaya. Us app ka name hai Greenify, Yah application free aur Paid dono version me available hai.

Free version kaafi hai background app ko sulane ke liye jisase wo aap ke device ki battery ko kam nahi kar payenge. Aur jada usame extra features ka use karane ke liye Paid veriosn ka try kar sakate hai lekin free bhi bahut kam ka hai.

Greenify app Setup Karane Ka Tarika

Aap ko Greenify app install karane se shuruat karana hai, Yah play store par available hai. Application install hone ke bad niche ke steps ko follow kare isake setup ko sikhane ke liye.

Download Greenify App

Greenify App install kare.

Step 1. Greenify app open kare jaha pe aap isaka welcome screen dekhenge aur usake niche “Next” option par tap kare isake setup ko complete karane ke liye.

Greenify app welcome screen

Step2. Working Mode Select Kare

Greenify working modes

Working Mode me aap ke pas 3 option hote hai.

  1. My Device is Not Rooted (Mera Device Root Nahi Kiya Gaya Hai)
  2. My Device is Rooted (Mera Device Rooted Hai)
  3. I’m Not Sure (Mujhe Nahi Pata)

Agar aap ka device rooted nahi hai to 1st option aur rooted hai to 2nd option ka pe mark karate huye “Next” par tap kare.

In Case aap ko nahi pata ki device roote hai ya nahi to aap Root Checker app ka use kar sakate hai pata karane ke liye.

Android Mobile Kaise Root Kare

Step 3. Grant Permission

Abhi aap ko kuch usage access permission ko allow karana hoga Greenify app ke liye.

Grant Greenify app permissionGreenify Usage Access

“Grant Permission option” par tap kare aur Greenify App ko select kare aur “Permit Usage Access” ko enable kar de.

Greenify App usage access

Enable karane ke bad vapas greenify app setup menu me aa jaye.

Step 4. Ready Screen

Ab aap ke screen par “Ready” message show hoga matalab ki aap ne sab kuch settings kar liya aur abhi isako use kar sakate hai.

Greenify App Ready, Setup Completed

Greenify App Se Background Apps Ko Kaise Sulaye

Step 1. Greenify app open kare

Jabhi aap isako open karenge to sabhi background apps jo screen band hone ke bad bhi process karate hai unaki list mil jayega. “Show More” option ka use karate huye aap aur bhi background running apps ke bare me pata kar payenge.

Step 2. Koi bhi Background Running App ko Select Kare

Ji kisi bhi background running app ko aap sulana chahate hai us par tap kare aur “Hibernate Mode” option me jaye.

Yaha pe bhi aap ko 3 options milega,

  1. Default hibernation
  2. Normal hibernation
  3. Deep Hibernation (by Island)

Background apps hibernate mode

1st option “Default hibernation” jo ki pahale se hi set ho sakata hai.

2nd option “Normal hibernation” Jise enable karane ke bad background me wo app nahi run hoga.

3rd option “Deep hibernation (by Island)” Jise enable karane ke bad wo aap puri tarah se band ho jayega “Force stop” ke jaise. Us se aane vali sabhi notifications aur jo bhi access karata hai wo sab puri tarah se ruk jayega. Us app ka process tabhi shuru hoga jab aap usako open karenge.

Is tarah se aap baki dusare bacground me run hone vale applications ko bhi hibernate (sula) sakate hai jisase aap ke mobile ki battery jaldi nahi khatm hoga. In sab ka achhe tarah se upyog karane se aap ke Android mobile battery ka backup badh jayega pahale se.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.