5G Ke Bare Me – 5G Ka Speed, Price, Launch Ki Jankari

Kya aapko 5G ke bare me pata hai? Vaise normal 5G ki jankari ki bat kare to log bas yahi bolenge ki yah 4G ke bad aur isase jada speed vala network hoga. Lekin bahut kam logo ko pata hoga ki 5G ki speed kitani ho ya 5G ka speed kya hai aur India me 5G kab launch hoga. Mujhe yah sab jankari ko lene ke liye bahut time dena pada aur bahut sare reports ko bhi dekhna pada. Aur ab mai aapko 5G kya hai aur usaki puri jankari dene ke liye puri tarah se taiyar hu.

5G Network Ke bare me

5G ka matalab ki 5th Generation mobile network..

5G ek Software defined network hoga, Jaise agar ham 4G network ki bat kare to isame bahut jada wire use hote hai jaha pe 5G ek software defined hone ke karan isame bahut kam wire use hoga. Software se matalab esa nahi ki isame wire hi nahi hoga lekin agar isako aap pichale 4G or 3G network se compare karenge to isame kam wire ka istemal hoga. Yah jada tar cloud base par kam karega isake liye wire ki jada jarurat nahi padega isame.

5G Kaise ek Strong Network Hoga?

Sabase pahale to mai aapko bata du ki strong network se mera speed ka matalab nahi hai. Strong aur speed dono me fark hota hai. To chaliye janate hai ki 5G network 4G network se kaise strong hoga.

Aap ne 2G, 3G aur 4G network ke antenna or tower ko dekha hi hoga, Wo bahut bade – bade hote hai. bade hone ke karan company dur – dur par tower ko setup karvati hai jisake piche bahut sare karan hai. Dur – dur pe tower hone ki vajah se kuch jagaho par network nahi pahuch pata hai.

Mobile Network Tower

Jaise ki aapke ghar ke andar kyu walls hoti hai building me mirrors hote hai jisako bhed kar network to aapke device me chala jata hai lekin usaka performance bahut slow hota hai. Aap ne khud yah anubhav kiya hoga ki Room ke andar internet slow chalata hai aur agar bahar chale jaye to speed badh jati hai.

Lekin 5G network ke sath yah problem ka solution ho jayega. Jaise ki dusare network ke towers bahut bade hote hai lekin 5G network ke mini towers honge jisaki size small hoga aur jada jagaho par aasani se usako setup kar sakenge.

Mini Towers, Antenna

Aapke location par mini towers hone ki vajah se aapke area me usake bahut sare jagaho par install kiya gaya hoga jisase aapke location par network bahut fast hoga. Network fast hone ki vajah se aapko ek bahut strong network milega jo 4G me nahi sambhav hai.

5G Ki Speed Kitana Hoga?

Jaise ki yah next genration ka network hai to isame bahut sare improvement ho rahe hai. Aapko 4G ka speed to pata hoga jo fast hai lekin utana jada nahi lekin 5G network 100 bar jada fast hoga.

Jisaka matalab jo files aap minutes me download karate the wo files abhi seconds me hi download ho jayega. Abhi tak maine kisi bhi report me 5G ka speed test nahi dekha lekin sabhi reports ka conclusion dekhe to usame jada log yahi bata rahe hai ki 100 guna jada faster hoga 4G network se.

Aap Netflix pe ek sath kai videos ko HD+ quality me stream kar sakenge.

High Responsive Network

Aaj kal ke yug me jada se jada electronic devices internet ke through kam kar rahi hai jaise ki aur un devices ko run karane ke liye aur achhe se work kare usake liye fast aur quick response karne vale network ki jarurat padati hai.

Jaise Electronic cars, Robots aur dusare AI based devices jisako chalane ke liye ek quick & fast responsive network ki jarurat padati hai aur 5G network usake liye ek perfact network rahega.

Agar ham 4G aur 5G Network ke response ko compare kare to 4G ka response 50 milliseconds ke andar hota hai jaha pe 5G ka response 1 millisecond ke time hi ho jayega. Matalab isaka response aapke palak jhapakane ke time se bhi kam hoga to aap khud soch sakate hai ki kitana fast aur responsive network aane vala hai future me.

5G Network Kab Launch Hoga?

5G ka model to samane dikh raha hai lekin abhi tak koi country ne shayad hi isako setup kiya hai lekin India, China aur kuch dusare Asia ke desh hai jo 5G network ko implement karane ki bat kar rahe hai aur future me jaldi hi kuch desho me yah chalu bhi ho sakata hai.

Pricing ki bat kare to usake bare me abhi tak kuch confirm nahi hua hai lekin isake features se itana ham anuman laga sakate hai ki yah 4G se managa ho sakata hai.

In sabhi 5G ki jankari ke bad aur bhi bahut kuch 5G Network ke bare me hai jo bahut hi jada vistar me hai jisame se mai kuch important aur intresting points ko nikal raha hu aur usako update karane ki koshish jari rahegi. Phir bhi agar aapke pas 5G se lekar kuch sawal hai to mujhase usako share kar sakate hai niche comment box me. 5G Wikipedia

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.