500 aur 1000 Rupaye Ke Notes Kab band Honge – Puri Jaankari

Shree maan narendra modi ji India ke Prime Minister black money ko khatm karane ke liye ek bahut hi bada kadam uthaya hain. Jisame janata bas ye puch rahi ki 500 aur 1000 Rupaye Ke Notes Kab band Honge aur ye ek bahut hi aham sawal hain. Sabhi ke liye jo amir ho chahe garib ya phir middle level ka ho.

Vaise to agar baat kare to kal raat me sabhi kuch Modi ji ne bata diya tha. Jisaka hume kai sare news channels bhi bataya ki ₹500 aur ₹1000 ke notes kab band honge India mein. Agar aap usako nahi dekh paye to main iss post me vahi batene vala hu aap sabhi se.

Main ek baat bahut pahale hi clear kar du aap logo se. ₹500 & ₹1000 ki notes madhya ratree 8th November 2016 se hi band kar di gayi hain. Abhi hu unako istemaal karake koi bhi len den nahi kar payenge.

₹500 & ₹1000 Ki Notes Band Hone ka Time

Sabase pahale aap logo ko ek baat bahut saf – saf jaan lena chahiye. Jo bhi aapke pass ye notes hain wo bekar nahi jaane vali kisi bhi kimat me. Isake liye bas aapko kuch rules follow karane honge.

Aapko apne sabhi un notes ya paise ko apane bank jaha pe aapka account hain usame jama kara dena hain. Ye paise jo notes hain 500 aur 1000 ki wo bas len den me nahi kaam karengi lekin hum inako apane bank account me bade aaram se jama kar sakate hain.

Jab aap wo paise apne bank account me jama kar loge to aapke account me wo sabhi paise ho jayenge. Isake baad aap apane jama kiye huye paise ko naye notes ke rup me badi aasani se nikal paoge aur usaka kahi pe bhi len den kare. In paise ko bank jama karate huye aapase kisi bhi prakar ka katuti nahi kiya jayega.

Udaharan – agar aapke pass kuch 3 note hain ₹1000 ki aur 5 notes ₹500 ki to kul jo rashee hoga ₹5500. Abhi aap wo sabhi notes apane bank me lekar jaye aur unko jama kar de. Isake baad phir jab aap un paiso ko nikalenge to aapko nayi notes milengi jisaka istemaal aap pure bharat me kahi bhi kar posge badi hi aasani se.

Lekin isame kuch niyam hain jo hume jaan lena chahiye. Hamari sarakar ne janata ke baare me sochakar esa kadam uthaya. Jisame se kuch aur bhi niyam hain jisase aam logo ko paresaani nahi hongi iss niyam se.

Vaise agar baat kare to abhi hum kuch sayad 72 hours tak apane paiso ka use kar payenge kuch saraari jagaho pe. Jiname ese kuch jagah honge.

  • Hospital
  • Railway Ticket
  • Petrol Pump
  • Milk Boots aur bhi kuch jagaho pe.

Niche ke photos me se aap badi achhe dekh aur samajh paaoge. Ki ham kaha kaha pe ₹500 & ₹1000 ka note chala sakate hain abhi bhi. Vaise main ye jo rule hain usase bahut hi khus hu ki humari sarakar rules ke saath aam aadami ke bare me bhi sab kuch soch ke aur bana ke rakha tha.

Narendra Modi

Aaiye Jaane Ki pradhaan Mantri Narendra Modi Ji Ne Kya Kaha

Desh ko bhrashtachaar aur kaale rupi dimak se mukat karane ke liye ek aur sakht kadam uthana jaruri ho gaya hain. Aaj madhya raatree yaani 8th November 2016 ki ratree ko 12 baje se vartamaan me jaari 500 rupaye aur 1000 rupaye ki cureency note legal tender nahi rahenge. Yaani ye mudraye kaanunan amanya hongi.

500 aur 1000 rupaye noto ke jariye se aaj madhya ratree se uplabdh nahi hogi. Bhrashtachaar, kaale dhan aur jaali note ka karobaar mein lipt desh virodhi aur samaj virodhi tatvo ke pass maujud 500 ruaye aur 100 rupaye ke purane notes ab keval kaagaj ke ek tukade ke saaman rah jayenge.

Ese naagrik jo sampati mehanat aur imaandaari se kama rahe hain unake heeto ko aur unake hak ki puri raksha ki jayegi. Dhyaan rahe ₹100, ₹50, ₹20,₹10, ₹5, ₹2 aur ₹1 ka note aur sabhi sikke niyamit hain aur len den ke liye upayog ho sakate hain. Uspar koi rok nahi hain.

Humare yaha kadam desh me bhrashtachaar kaal dhan evm jaali note ke khilaf ham jo ladai lad rahe hain saamanya naagrik ko ladai lad raha usako isase takat milane vali hain.

In dino me deshvashiyo ko kam se kam ka takleef ka saamana karana pade isake liye humane vystha ki hain. 500 aur 1000 rupaye kle purane note 10th november 2016 se lekar 30 December 2016 tak aap apane bank ya daakghar post office ke khate me bina kisi *** (Rukavat sabd jaisa kuch hoga yaha pe) se jama karava sakate hain.

Hame 50 din bhi mile hain apane paise jama karane ke liye.

Dekhe ke aage kaise bole Modi ji – Aapke pass lagbhag 50 dino ka samay hain atahh note jama karane ke liye aapko afara tafari karane ki koi aavskata nahi hain. Aap ki dhan raashi aap hi ki rahegi aapko koi bhi chinta karane ki jarurat nahi hain. 500 ya 1000 rupaye ke noto ko khaate me daal kar aap apani jarurat ke anusaar phir se nikal sakate hain.

Keval shuru ke dino me khaate me se dhan raashi nikalane par pratidin 10,000 rupaya aur prati saptah 20,000 rupaye ki seem tay ki gayi hain. Esa naye noto ki upalbdhata ko dhyaan me rakhate huye kiya gaya hain. Iss seem mein aane vale dino me bredhee kar di jayegi.

Khaate me jama karane ke saath ek dusari bhi suvidha di ja rahi hain

Tatkaal aavshkta ke liye 500 aur 100 rupaye ke purane noto ko naye evm maany noto ke saath 10 november se 30 December tak aap kisi bhi bank ya pramukh aur updakghar, head post office aur sub post office ke counter se apana pahchaan patra jaise ki aadhar card, matadaata card yaani ki voter card, Rashan card, passport, pan card etyadee sabut ke rup me pesh kar ke aap note badal sakate hain.

Prarmbh me 10th se 24 November tak 4000 rupaya tak ke puraane 500 evm 1000 ke note badale ja sakate hain. 15 dino ke baad yaani 25th november se 4000 rupaye ki seem me bridhee kar di jayegi. Ese log jo iss samay seem ke andar arthaat 30 December 2016 tak purane note kisi karan vas agar jama nahi kar paye unako 500 aur 1000 ke purane note badalane ka ek aakhiri avasar bhi diya jayega.

31st March 2017 Ko Bhi Jama Kar Payenge

Ese log reserve bank ki nirdhaadit office mein apani raashi ke ghoshada patra yaani declaration form ke saath 31st March 2017 tak jama karava sakate hain. 9 november aur kuch sthano me 10 november ko bhi ATM kaam nahi karega. Prarambh me ATM se pratikal pratidin nakali ja sakane vali rashee ki seema 2000 rupaya rahegi phir use kuch avadhi ke baad badhaakar 4000 rupaya kar diya jayega.

Vaise to 500 aur 1000 rupaya ke purane note aaj ratree 12 baje se kaanuni taur pe khatm ho jayenge. Parantu saamnya janjivan ki jarurato ko dhyaan me rakhate huye maanviya drshtikon se humane is prakriya mein shuru ke 72 ghanto me yaani ki 72 hours. Matalb ki 11 november ki ratree 12 baje tak naagriko ke liye kuch vishes vyshta ki hain.

Jaise 11 November 12 baje tak sabhi sarakari asptaalo me purane 500 ya 1000 ke note ko swikaar kiye jaaynge. Isase vaise pariwar jiname koi bimaar hain unhe upchaar me koi badha naa aaye. ese paristhiyo me yadi davai ki dukaan ki vyshta hain to doctor ke diye gaye parche par 500 aur 1000 ke purane noto se dava kharidane ki suvidha bhi 72 ghante tak uplabdh rahegi.

Kuch Jagaho pe kuch din tak chalega

Ese hi 11 november ki ratree 12 baje tak railway ke ticket booking counter, Sarakari buso ticket ke counter aur havai addo par air lines ke jo ticket booking counter par keval ticket kharidane ke liye purane note arthaat 500 ev 1000 rupaye ke note sweekar karane ki chhut hogi. Esa humane un parivaaro ki jarurato ko dekhate huye kiya hai jo iss samay yatraa kar rahe honge.

Kendra athava rajya sarakar dyara pramanit cooperative ki deenchrya ki vastuo ki dukan jaise ki kendriya bhandar, Safal, aur dugdh vikra kendra, Milk powder, ese sthano par bhi 11 novemebr ki raat 12 baje tak purane 500 aur 1000 ki note ko sweekar karane ki chhut hogi. Iss dauraan in sansthaao ko pratideen apane stock aur bikree ki suchana register me rakhani hogi.

Sarvajanik kshetra public sector ke petrol evm CNG gas stations ke retail outlate jaha par petrol diesel aur CNG gas ki bikree ke liye bhi 11 November ki raat 12 baje tak purane 500 aur 1000 ki note ko sweekar karane ki chhut hogi. Iss dauraan in sansthaao ko pratideen apane stock aur bikree ki suchana register me rakhani hogi.

Naye Updates

Jaise ki date ke hisaab se ab banks me note nahi badale jayenge. Lekin usame abhi koi ghabraane ki baat nahi hain. Ham log apane purane note ko bank me jama kar sakate hain aur abhi to nayi notes bhi aa gayi hain aur wo sabhi ATM se nikal bhi rahi. To ab koi jada paresaani ki baat nahi hogi janata ko.

Deposite ka kuch pratibandh hua tha kuch time pahale jisame jam sirf ₹5,000 hi jama kar sakate the. Aur abhi ke samay thoda pahale se hi esa bataya gaya ki nahi abhi log aur bhi jada paise ko kar sakenge.

Agar apane abhi tak not nahi badala hai to please ab to aapko apane bank me jakar puch lena chahiye ki note badalne ki last kab hai aur usake hisaab se sab kuch manage nahi kar le.

Ye post 500 aur 1000 Rupaye Ke Notes Kab band Honge khaaskar isake baare mein tha. Jaisa ki aapne dekha ki PM Modi ji ne bahut saari yojnaayo ke ssath ye niyam ko lagu kiya hain jisame esa bahut kuch hai jo maine nahi likha chhut gaya hain. Sayad kuch time baad aap usako bhi yaha pe padh paoge.

5 Replies to “500 aur 1000 Rupaye Ke Notes Kab band Honge – Puri Jaankari”

  1. Note bandi is sarkar ka bahut achhi soch hai. Is sarkar se mai bahut khush hu ye o modi ji hai jo kuch kahte hai o karke rahte hai ab hamara bharat jarur badlega .bhrahsthacharya ab khatm hoga aur mahgayi kam hogi modi ji jindabad

Leave a Reply

Your email address will not be published. Required fields are marked *